Претседателката на Европската комисија, Урсула фон дер Лајен соопшти дека ЕУ секојдневно работи на сите полиња заради запирање на пандемијата на Ковид-19, вклучително и поддршка за истражување и производство на вакцини.
Таа изјави дека ЕУ обезбедила до 80 милиони евра за да помогне на европска фирма за иновациски истражувања, која работи на нова технологија за производство на вакцини против Ковид-19.
– Се надевам дека со оваа поддршка ќе можеме на пазарот да ја имаме вакцината уште пред есента, што ќе овозможи да се спасат животи во Европа и во остатокот од светот – изјави Фон дер Лајен.
Во видео обраќањето што го сподели на својот профил на Твитер, претседателката на ЕК ја истакна важноста за набавка на заштитна медицинска опрема и нејзино дистрибуирање, пред сè на медицински персонал, полиција и граничари.
– Низ цела Европа има голема потреба од маски, заштитни одела и друга опрема за заштита од вируси. Ние соработуваме со индустријата за произведство на заштитна опрема и соработуваме со националните влади за да ја купиме оваа опрема заедно – изјави фон дер Лајен.
Wir arbeiten rund um die Uhr, um die #coronavirus-Krise zu meistern. Die Kommission:
▪️holt EU-BürgerInnen zurück
▪️unterstützt Unternehmen & Menschen, die ihren Arbeitsplatz verlieren könnten
▪️beschleunigt + finanziert die Entwicklung von Impfstoffen
▪️beschafft mehr Material pic.twitter.com/vo9qf7kMF0— Ursula von der Leyen (@vonderleyen) March 17, 2020
Поврзани вести
СЗО: Ги анализираме извештаите поврзани со Астра Зенека, засега нема докази
Српски епидемиолог: Ние сме единствена земја во светот во која понудата на вакцини е поголема од побарувачката
