Речиси милион илегални мигранти се уапсени на границата на САД и Мексико од октомври 2018 година, што е највисок број во последните 12 години, изјави шефот на американската гранична полиција.
-Во работењето, „скоро милион луѓе беа уапсени во фискалната 2019 година“, рече Марк Морган на прес-конференција во Вашингтон.
САД се соочија со експлозија на нелегален влез преку Мексико во 2019 година, главно мигранти од Централна Америка кои бегаат од сиромаштијата. Овој прилив предизвика криза на границата со пренатрупани засолништа и лоша грижа за мигрантите.
За да го спречи приливот, американската влада изврши притисок врз Мексико да распореди трупи на јужната граница и да ги спречи мигрантите – претежно од Ел Салвадор, Хондурас и Гватемала – да минуваат низ земјата.
Администрацијата на Трамп, која ја претстави борбата против нелегалната имиграција како главен приоритет, продолжува да гради ѕид на мексиканската граница долг 3.200 километри.
-Скоро 115 километри се веќе опремени со нови безбедносни системи кои вклучуваат физички бариери, светла и непристапни патишта, додаде Морган.
-На крајот на 2020 година, односно за време на претседателските избори каде Трамп се кандидира за втор мандат, граничните полицајци очекуваат таков систем да биде поставен на повеќе од 700 км долж границата, рече Морган.
