Главниот директор и коосновач на Твитер, Џек Дорси, најави дека „во иднина“, 19 јуни, денот кој во САД се одбележува како Ден на укинување на ропството, ќе биде неработен ден за вработените во неговите две компании – Твитер и Сквер.
Тој ден ќе го посветиме на славење, учење и поврзување – објави Дорси на Твитер.
Countries and regions around the world have their own days to celebrate emancipation, and we will do the work to make those dates company holidays everywhere we are present.
— jack (@jack) June 9, 2020
Твитот на Дорси доаѓа во момент кога во САД има широко распространети протести поради расизмот и полициското насилство по смртта на Афроамериканецот Џорџ Флојд, кој беше убиен од полицањец за време на полициска акција.
На 19 јуни 1865 година генерал Гордон Грангер прочитал проглас за ослободување на афроамериканските робови во Тексас, последната сојузна држава која го укина ропството по завршување на граѓанската војна.
