Американскиот претседател Доналд Трамп му се заблагодари на сингапурскиот премиер Ли Хсиен Лун за подготвеност да обезбеди место за неговата средба со севернокорејскиот лидер Ким Џонг-ун, информираат од Белата куќа
Американскиот претседател во телефонскиот разговор со сигапурскиот премиер му се заблагодарил што се согласил да биде домаќин на состанокот меѓу двајцата лидери на 12-ти јуни.
Трамп и Лун, исто така, разговарале за регионалните безбедносни прашања и го потврдиле партнерството меѓу двете земји.
Сингапурското МНР рече дека за земјата е чест да биде домаќин на таков „историски и значаен настан” и ќе направи се што е во негова моќ за да помогне во одржувањето на „глатка и успешна средба”.
Сингапурскиот премиер го покани американскиот претседател на официјалната посета во ноември, а Трамп рече дека ќе се обиде да дојде.
