Претседателот на САД Доналд Трамп во средата ги повлече безбедносните овластувања на поранешниот ЦИА Џон Бренан, кого го обвинуваат за злоупотреба на пристапот до повластени информации со цел да „сее раздор и хаос” околу неговата администрација.
Трамп најави ревизија на овластувањата на уште неколку поранешни разузнавачки и владини претставници, во редот на неговите критичари, меѓу кои и поранешниот шеф на Националната разузнавачка служба Џејмс Клапер, поранешниот директор на ФБИ Џејмс Коми, советничката за национална безбедност на Обама Сузан Рајс, поранешниот директор на Агенцијата за национална безбедност Мајкл Хајден и поранешната заменичка на државниот обвинител Сали Јејтс.
Бренан, шеф на Централната разузнавачка агенција (ЦИА) за време на претходникот на Трамп, демократскиот претседател Барак Обама, е остар критичар на новиот претседател и чест гостин на телевизиските емисии во кои се напаѓа надворешната политика на Трамп.
Портпаролот на Белата куќа Сара Сандерс изјави дека Бренан се впуштал во се по „залудени коментари“ и го злоупотребувал својот пристап до повластени информации, кои ги користел за да „сее раздор и хаос.“
„Во овој момент, сите евентуални придобивки кои високите функционери би можеле да ги имаат од консултации со Бренан се надминати со ризиците кои произлегуваат од неговото непредвидливо однесување. Ова однесување, ги тестираше и проби сите границите на секоја професионална пристојност која му е укажана“, Сандерс го цитираше Трамп.
