Владата на Велика Британија се обидела да пристапи кон Сирија преку дипломатски канали, но без успех, рече таа.
„Владата на Велика Британија интензивно работи со меѓународните партнери за да ги претстави доказите“, рече таа и додаде дека воената акција ќе го намали понатамошното страдање.
„Ова не беше за промена на режимот“, рече Мај. „Ова беше ограничен, насочен ефективен напад со јасни граници“.
Нападите ќе ја намалат способноста за истражување, развој и распоредување на хемиско оружје, рече таа.
„Нападите минатата ноќ од страна на САД, Велика Британија и Франција беа значително поголеми од акциите на САД пред една година и имаат цел да стекнат поголемо влијание врз способноста на режимот и подготвеноста за употреба на хемиско оружје“.
Велика Британија нема да „стои на страна и да ја толерира употребата на хемиско оружје“, рече таа.
Меј да рече дека нападите биле „праведни и легални“.
„Историската лекција е дека кога кога ќе се појави закана за глобалните правила и стандарди што нè чуваат безбедни, мора да застанеме и да ги браниме. Тоа е она што секогаш сме го правеле и ќе продолжиме да го правиме“.
„Употребата на нервен агенс во Велика Британија последниве недели е дел од моделот на непочитување на овие норми“, рече Меј.
По овој коментар во врска со нападот во Солзбери, Меј беше прашана дали воздушните напади биле само за Асад или биле и предупредување за Русија.
„Акцијата преземена минатата ноќ беше фокусирана на деградирање и одвраќање на оперативната способност и волјата на сирискиот режим за употреба на хемиско оружје“, рече таа, но додаде:
„Верувам дека ова ќе испрати јасен сигнал до некого друг дека меѓународната заедница нема да стои на страна и да гледа како неказнето се користи хемиско оружје“.
