Бројот на заразени со новиот корона вирус во светот надмина 50 милиони.
Порталот „Worldometer“ објавува ажуриран преглед на глобалната епидемиолошка слика од почетокот на пандемијата на Ковид-19, а според последните податоци, во светот бројот на случаите на заразување е зголемен на 50 милиони.
Во светот досега од последиците на Ковид-19 починаа 1,252,865 лица, се излекуваа повеќе од 35 милиони, а бројот на активни случаи изнесува повеќе од 13,2 милиони.
Од пандемијата на Ковид-19 најтешко се погодени САД, со повеќе од 9.7 милиони заразени лица и 242,417 починати. Според бројот на заразени, по САД следуваат Индија со повеќе од 8.4 милиони, Бразил со 5,5 милиони, Русија 1,4 милиони и Аргентина со нешто над еден милион случаи на заразување.
Според бројот на починати, по САД следуваат Бразил со 162.905, Индија 125.642, Мексико 95.167 и Велика Британија со 45.646 починати лица.
Вкупно девет земји забележале над еден милион случаи.
