Едно лице кое живее во близина на папата Франциск во Ватикан е тестирано позитивно за корона вирусот по што е хоспитализирано во болница во Рим.
Ватикан официјално не ги коментира ваквите информации што ги објави римскиот весник „Месаџеро“, но добро информирани извори тврдат дека Папата е сместен во гостинската вила Света Марта, заедно со уште 75 луѓе.
Инфицираното лице е свештеник вработен во Државниот секретаријат на Ватикан.
Според соопштение од седиштето на Римокатоличката црква вчера, четири лица кои живеат во Ватикан досега биле позитивни на тестот за Ковид-19, но ниту еден не живее близу до Папата.
