Радосни сцени ја поздравија одлуката на судијката Ванеса Барајтсер да не го испорача основачот на Викиликс, Џулијан Асанж во САД, за да се соочи со обвиненија за шпионажа.
49-годишниот Асанж е обвинет за 18 точки, за хакирање на американски владини компјутери и објавување на доверливи воени записи, вклучително и видео запис за нападот со хеликоптер Апачи во Багдад во 2007 година, во кој беа убиени десетина лица, вклучително и двајца новинари на Ројтерс.
Во својата пресуда, Барајтсер рече дека правата на слободата на говорот не обезбедуваат „неограничена дискреција од г-дин Асанж да одлучи што ќе објави“.
Сепак, во одлука која шокираше многумина, вклучително и приврзаниците на Асанж и правниот тим, Барајтерс откри дека екстрадицијата ќе биде угнетувачка со оглед на менталното здравје на Асанж.
