Претседателот на италијанскиот Висок здравствен институт, Силвио Брусаферо, изјави дека нема докази оти корона вирусот циркулира во воздухот.
Според достапните епидемиолошки податоци, главните начини за пренесување на корона вирусот се преку капки (ситни капки плунка) и директен контакт.
– Постојат нула шанси дека корона вирусот ќе исчезне до летото. Се уште знаеме малку за потеклото и траењето на овој вирус, го познаваме само четири месеци, но знаеме дека вирусите се многу чувствителни и дека не преживуваат екстремни температури – вели вирусологот Илариа Капуа шефица на Здравствениот центар на универзитет во Флорида.
Таа потсетува дека епидемијата на САРС во 2002 година се ширеше преку вентилација и греење (клими) во домовите и јавните институции и дека е можно корона вирусот да може или се шири на ист начин.
Како што вели таа, сигурно првиот потег што треба да се направи е да се отворат прозорците.
– Вирусот не патува низ воздухот и сончевите зраци, а ако влезе во простории, на кревети, чаршафи и облека, можат да бидат валидни агенсите кои помагаат во дезинфекција на бактерии – советува таа.
Од истата причина, ако имате заштитни маски дома, предлагам да ги изложите на сонце, затоа што тие на некој начин се дезинфицираат. Значи, без страв од отворање прозорци, вирусот нема крилја, заклучи Капуа.
