Словачка води разговори со другите земји-членки на ЕУ за механизам за позајмување вакцини против Ковид-19, изјави денеска словачкиот премиер Игор Матович.
Матович изјави дека минатата недела остварил комуникација со претседателката на Европската комисија Урсула фон дер Лајен во врска со вакцините.
– Врз основа на ова, Комисијата иницираше таканаречен СОС механизам за позајмување вакцини, заради премостување на периодот со многу ниски залихи, нагласи тој.
Матович рече дека добил понуда од германската канцеларка Ангела Меркел за превезување и третман на пациенти во Германија.
– Германија им помогна на многу земји на ЕУ на овој начин во текот на изминатата година, рече словачкиот премиер.
