Еден месец и половина по регистрирањето на првиот случај на вирусната инфекција во Словачка, земја со население од 5,5 милиони, стапката на смртност е најниска во Европа.
Во последните 24 часа, во Словачка се регистрирани два нови смртни случаи со што вкупната бројка се искачи на 20 жртви.
Регистрирани се и тројца нови позитивни пациенти, па бројот на заразени достигна 1.384 луѓе. Како што објави Националниот центар за медицински податоци, бројот на тестирани во последните 24 часа е 1.767.
Словачка меѓу првите држави во Европа ги затвори сите училишта, продавници и граници.
Граѓаните почнаа да носат маски уште пред Владата официјално да ја воведе како задолжителна превентивна мерка, а регионот на Братислава, плашејќи се од италијанското сценарио, ги затвори училиштата два дена откако беше забележан првиот случај на Ковид-19.
