Во силна експлозија што го потресе предградието на Антверпен во Белгија, повеќе куќи се уништени, а едно лице е извлечено од под урнатините.
Противпожарната служба соопшти дека можно е под урнатините да има уште затрупани во јужното предградие на градот, пренесе Ројтерс. Засега не е позната причината за експлозијата. Неофицијално, несреќата ја предизвикала експлозија на гас.
