Либиските сили лојални на командантот Калифа Хафтар, чие упориште е на истокот на земјата, тврдат дека во брза офанзива предводена со воздушен напад презеле контрола врз стратешкиот крајбрежен град Сирт.
Заземањето на Сирт е значајно за Хафтар, кој од април спроведува офанзива кон главниот град Триполи, каде што е седиштето на меѓународно признатата либиска влада.
Офанзивата на силите Хафтар се случува во момент кога Турција испраќа свои трупи во Либија за помош на владата во Триполи.
