Шведското обвинителство се откажа од истрагата по обвинувањето за силување против основачот на Викиликс, Џулијан Асанж, кое беше објавено 2010-тата година. Според обвинителството, доказите на одбраната биле кредибилни, но сеќавањата на сведокот избледнеле. Асанж ги отфрлаше обвинувањата, и ја избегнуваше екстрадицијата во Шведска цели 7 години, криејќи се во амбасадата на Еквадор во Лондон. Во моментов се наоѓа во британскиот затвор каде ја чека одлуката за екстрадиција во Америка каде е обвинет за 18 точки, меѓу нив и шпионажа.
Со оглед на ослабените докази, и по внимателно разгледување, дојдов до заклучок дека дополнителни правни разговори со самиот Џулијан Асанж, нема значително да ја променат доказната основа. Поради тоа одлучив да не преземам понатамошни чекори за да можете да го испрашувате г-дин Асанж, соопшти заменичката јавен обвинител на прес конференција.
