Шведскиот државен епидемиолог Андерс Тегнел го критикуваше предупредувањето на Светската здравствена организација (СЗО) во кое ја вклучи Шведска меѓу земјите во Европа под ризик од повторна појава на коронавирус.
СЗО во четвртокот соопшти дека неколку земји и територии бележат пораст на инфекции, вклучително и Шведска, за која Тегнел рече дека на шведската телевизија е „целосно погрешно толкување на податоците“ и дека Шведска забележала зголемување на случаите затоа што спроведувало повеќе тестирања.
Според Светската здравствена организација, процентот на позитивни на коронавирус останува „околу 12-13%“ и покрај зголеменото тестирање.
„Овој и другите податоци сугерираат дека Шведска сè уште се соочува со пренесување на Ковид-19 во заедницата“, изјави портпаролот на СЗО за Би-Би-Си.
Тегнел денеска изјави дека Шведска бележи поголем број на инфекции затоа што сега тестира многу повеќе луѓе отколку порано.
„Не не повикаа и не не праша“, се пожали тој.
„Бројот на лица примени на интензивна нега е многу мал, ние дури почнуваме да забележуваме пад на бројот на смртни случаи“, рече Тенгел, додавајќи дека е особено загрижувачко што СЗО ја категоризира Шведска како ризична земја во време кога почнаа да се отвораат европските граници.
Бројките презентирани од Светската здравствена организација покажуваат дека Шведска во последните 14 дена регистрирала 155 коронавирусни инфекции на 100,000 население, што е далеку поголема од било каде на друго место во европскиот регион освен Ерменија.
