Патниците кои ќе дојдат во Шпанија ќе треба да останат во карантин две недели по нивното пристигнување сè додека трае вонредната состојба во земјата, потврди денеска владата во Мадрид.
Според изјавата објавена од Министерството за здравство во Службениот билтен на државата (БОЕ), луѓето што пристигнуваат од странство ќе треба да го почитуваат овој ред и ќе можат да го напуштат домот само за „намирници и купување лекови, или во случај на вонредна состојба“.
Забраната за патување во шенген зоната, во која е вклучена и Шпанија, е предвидено да истече на 15 мај, иако Европската комисија ги советува државите да ја продолжат барем до 15 јуни. Шпанија сама по себе е сè уште во вонредна состојба, што е продолжена до 23 мај.
