Шпанија и Италија побараа поголема европска помош додека се борат со последиците од Ковид-19.
Заедно во двете земји има повеќе од половина од смртните случаи во светот од коронавирус и сè уште се соочуваат со околу 800 смртни случаи на ден, пренесува АП.
„Европа мора да покаже дека е способна да одговори на овој историски повик“, рече италијанскиот премиер Џузепе Конте.
Тој додаде дека кризата ги вклучила сите економски и социјални системи на земјите-членки и дека ќе се бори „до последната капка пот, до последниот грам енергија“ за да се добие силен и кохезивен европски одговор.
Бројот на смртни случаи во некои земји би можел да биде многу поголем од пријавениот, велат експертите, бидејќи за разлика од САД, на пример, Франција и Италија не ги пребројуваат смртните случаи од старечките домови во вкупната смртност од коронавирусот.
Шпанија, Италија, Франција и шест други членки на ЕУ побараа од унијата да го подели товарот на европскиот долг, наречен „корона-обврзница“ во медиумите, за да помогне во борбата против вирусот. Но, идејата наиде на отпор од некои членки. Холандија, по првичното спротивставување, објави дека е подготвена да потроши 1 милијарда евра за оваа намена.
Европските земји, исто така, се спротивставија на споделување маски или друга медицинска опрема со соседите од страв дека наскоро може да им бидат потребни големи количини. Многу земји бараат помош од Кина, каде што епидемијата се намалува.
