Шкотската премиерка Никола Стурџон се извини откако ги прекршила мерките за сузбивање на коронавирусот, симнувајќи ја маската по еден погреб.
–На кратко ја симнав маската. Тоа беше глупава грешка и навистина ми е жал, кажа шкотската премиерка.
На фотографијата објавена во шкотски Сан се гледа како Стурџон разговара со три жени во бар, држејќи дистанца, но без маска.
Со епидемиолошките мерки во Шкотска е задолжително носење маска во затворени објекти, освен на маса, а маска мора да се носи кога гостите се движат.
Стурџон присуствувала на погреб на владин службеник, пренесува Гардијан.
Таа истакна дека секој ден размислува за значењето на носењето на маската и дека затоа сака да се извини.
–Згрешив и навистина ми е жал, кажа Стурџон.
