Најмалку седум лица загинаа во денешниот напад на бомбаш-самоубиец на автобус со владини службеници во Кабул.
Нападот е изведен во близина на најголемиот затвор во авганистанскиот главен град Кабул, а напаѓачот го детонирал експлозивот покрај автобус со вработени во затворот.
Засега никој не ја презеде одговорноста за нападот, кој се случува еден ден откако бомбаш-самоубиец се разнесе близу влезот на авганистанската независна изборна комисија, при што едно лица загина, а петмина беа повредени.
