Португалскиот лекарски сојуз привремено го отстрани гинекологот осомничен за небрежност затоа што не открил деформации кај бебе родено без лице, пренесе Франс. Неговото раѓање го шокираше португалското општество.
Против гинекологот, кој е разрешен од функцијата 6 месеци од Португалското лекарско здружение, веќе има уште 6 поплаки, од кои најстарите датираат од 2013 година. Судските власти, исто така, започнаа истрага откако родителите на детето покренаа постапка против гинекологот.
„Постојат индикации за занемарувањето на д-р Артур Карваљо што може да доведе до дисциплинска постапка“, објаснуваат португалското медицинско здружение. „Бидејќи инцидентот го наруши угледот на лекарите, неговото отстранување од функцијата е неопходно за да се проценат поплаките“.
На 7 октомври, родителите на бебето Родриго, кое е родено без нос и очи и на кое му недостасува дел од черепот, им е дијагностицирана деформација кога е роден во болницата Сао Бернардо во Сетубал, јужно од Лисабон.
Докторот кој ја следел бременоста на мајката на Родриго во приватна болница во Сетубал, ги извршил трите задолжителни ултразвуци без да најде проблем. Гинекологот бил предупреден за можна аномалија на фетусот за време на шестиот месец од бременоста за време на ултразвучен преглед, на кој инсистирале родителите, но објаснил дека понекогаш делови од лицето остануваат невидливи кога бебето го притискале на стомакот на неговата мајка.
Малиот Родриго сè уште е хоспитализиран во Сетубал.
