Американскиот Стејт департмент распиша награда од три милиони долари за информација која ќе доведе до апсење на Јорданецот Мухамад Хадор Муса Рамадан, познат како Абу Бакр ал-Гариб.
Во потерницата се вели дека Ал Гариб е еден од лидерите на терористичката организација „Исламска држава“ и нејзин главен човек за пропаганда.
Како што се истакнува во потерницата, Мухамад Рамадан раководи со медиумските операции на ИД и игра „клучна улога во пропагандните активности на ИД за радикализација, врбување и поттикнување на одредени лица низ целиот свет“.
Тој раководи со планирање, координација и производство на многубројни пропагандни видеo сoдржини, објави и онлајн платформи каде со брутални и сурови сцени на измачување и масовни егезекуција на невини цивили – се вели во соопштението на Стејт департментот.
