САД и талибанците денес во Доха преговараат за окончување на војната во Авганистан.
Американскиот претставник Залман Халилзад денес во Катар имал состанок со главниот преговарач на талибанците, Мулах Абдул Гани Барадар.
Барадар е еден од основачите на талибанците и има можеби најголемо влијание кај членовите од бунтовничката група.
САД и талибанците пред една година покренаа директни преговори.
Вашингтон сака да го намали военото присуство во Авганистан каде што моментално има 14.000 американски војници.
Договор меѓу талибанците и САД не би овозможил крај на војната затоа што талибанските бунтовници треба да постигнат договор и со владата во Кабул.
