Рускиот претседател Владимир Путин денеска изјави дека Русија засега не планира да се повлече од Сирија, и додаде дека руските војници ќе останат таму толку долго колку што е во интерес на неговата земја.
– Се уште не планираме повлекување на тамошните воени сили, изјави Путин во телевизиската емисија „Директна линија”, во која одговараше во живо на прашања на граѓани.
– Сириската операција претставува уникатно воено искуство за руските вооружени сили, истакна претседателот. Тој истакна дека користењето на вооружените сили во борбени услови е уникатно искуство и уникатно средство за усовршување, и никакви воени вежби не можат да се споредат со тоа.
