Свет 17. декември 2020. / 10:12

Путин ќе ја одржи годишната прес-конференција денеска

Путин ќе ја одржи годишната прес-конференција денеска

Рускиот претседател Владимир Путин денеска ќе се обрати на големата прес-конференција, која традиционално ја одржува на крајот на секоја година. Настанот оваа година ќе се одржи преку видео врска, поради пандемијата на коронавирусот.

Како и претходните години, така и оваа, Русите можат да му испратат прашања преку порака на Путин, или да користат некој од другите достапни мултимедијални ресурси, на пример, да испраќаат претходно снимена видео порака на кои тој ке одговара.

Вкупно 774 новинари беа акредитирани за конференцијата, а главните руски ТВ-канали резервираа три часа за да го емитуваат настанот.

Домашните и странските новинари ќе бидат сместени во Меѓународниот трговски центар во Москва, а ќе бидат вкупно 237.

Конференцијата ќе започне на пладне по московско време, а Путин ќе остане во својата резиденција во Ново-Огариово, каде што е поставен голем видео бим.

Првата конференција се одржа во 2001 година и траеше 95 минути, а најдолгата беше во 2008 година, која траеше четири часа и 40 минути.