Воздушната одбрана на руската флота на Црното море издаде предупредување за напад, открива шведскиот политичар Карл Билт на својот профил на Твитер. Оваа вест ја пренесоа сите шведски медиуми, но засега нема потврда од Москва.
Одредени западни медиуми пренесуваат дека руското Министерство за одбрана издало наредба борбената готовност на руската Црноморска флота да се подигне на највисоко можно ниво и било издадено предупредување за можен напад.
Предупредувањето било издадено откако било забележано дека воени бродови на коалициските сили на чело со САД, Велика Британија и Франција тргнале кон бреговите на Сирија.
Според некои информаци, коалициските сили би можеле да организираат напад на Сирија во следните 24 часа.
