Рускиот претседател Владимир Путин се очекува денеска да биде домаќин на неговиот турски колега Реџеп Тајип Ердоган, при што ќе разговараат за мировните напори за сирискиот регион Идлиб, каде што голем напад на сили на сириската влада се чини неизбежен против последното упориштето на бунтовниците.
Состанокот, во рускиот град Сочи, се очекува да биде продолжение на разговорите од самитот во Иран, минатата недела, за време на кој Путин го отфрли предлогот на Ердоган за целосен прекин на огнот во Сирија.
Во близина на турската граница во северозападниот дел на Сирија, Идлиб е последното преостанато упориште на бунтовниците по седумгодишна катастрофална граѓанска војна во земјата.
Додека сириските државни сили беа подготвени да го нападнат Идлиб, Русија ги обвини милитантите за спроведување напади и наведе дека подготвува хуманитарни коридори за евакуација на цивилите.
