Пронајдено е тело во близина на палатата Кенсингтон, каде живеат принцот Вилијам и неговата сопруга Кејт Мидлтон, пишува The Sun.
Станува збор за неидентификуван женски труп кој се наоѓал во езерото Раунд на кралскиот имот. Полицијата засега не открила многу детали за телото пронајдено во близина на домот на Вилијам и Кејт и сè уште го истражува целиот случај.
Се појавија информации дека пронајденото тело е на британската уметничка Енделион Ликет Грин, по која се трагаше до неодамна. Сепак, нејзиното семејство наскоро ги поби овие тврдења и истакна дека таа е жива и здрава.
Патем, принцезата Јуџин и нејзиниот сопруг Џек Бруксбанк исто така живеат во близина на војводата и војвотката од Кембриџ. „The Sun“ и другите британски медиуми пишуваат дека не е познато дали некој од членовите на кралското семејство го забележал телото или бил присутен за време на неговото извлекување. Езерото Раунд е изградено во 18 век и е длабоко околу пет метри.
