Ерменија беше принудена да го потпише договорот за прекин на војната во Нагорно Карабах за да избегне воен пораз, изјави ерменскиот премиер Никол Пашинјан.
Како што кажа, Договорот овозможил зачувување на она што Карабах немало да може да го зачува – престолнината Степанакерт и уште два града.
– Со тој документ беше пружено она што, според воените и другите проценки, не би можеле да го зачуваме. Во ситуација кога престолнината на Карабах Степанакерт остана без одбрана, при продолжување на воените дејства, постоеше голема можност за губење на Степанакерт, Мартуни и Аскеран. Потоа, илјадници наши војници можеа да бидат опколени, односно ќе дојдеше до колапс. Токму земајќи ги предвид тие проценки беше донесена одлуката да се потпише договорот, кажа Пашинјан во видео-обраќање преку Фејсбук.
Ерменскиот премиер додаде дека Генералштабот на оружените сили на Ерменија известувал за проблеми со ресурсите, а дека политичкото раководство го делело тоа мислење.
Истовремено, тој кажа дека за време на борбените дејства биле преземени два обиди да се врати окупираниот град Шуша, вториот по големина во Карабах.
– Еден од обидите пропадна, а во вториот ерменски одред успеа да се пробие во градот и различните мислења за контролата над Шуша беа поврзани со активностите на овој одред, додаде тој.
Пашинјан вчера кажа дека ситуацијата би била подобра доколку Ереван пред една година се согласил на Азербејџан да му врати пет региони околу Карабах, но дека никој, вклучувајќи го и него, не го сметал тоа за добро решение.
