Туристите кои ќе резервираат четири ноќевања во некој од 53 хотели во сицилијанскиот град Палермо и околината и коишто пристигнат во главниот град на Сицилија со авион, ќе платат три ноќевања, а четвртото ќе им биде бесплатно. Оваa иницијатива се спроведува со цел да се потикне туризмот по блокадата поради пандемијата на корона вирусот.
Иницијативата е на околното Здружение на хотелиерите, а во соработка со управата на аеродромот во Палермо. Понудата ќе трае во текот на цела 2020 година.
Повеќе информации за иницијативата може да се најдат на интернет-страницата на аеродромот.
На 3 јуни, по скоро три месеци блокада, Италија ги отвори своите граници за влез на туристи од други земји членки на Европската Унија и од Шенген зоната.
Од друга страна, пак, ЕУ може да ги отвори своите граници кон земјите од Западен Балкан на почетокот на јули, по препорака на Европската комисија.
