Опозицискиот кандидат и поранешен министер за одбрана на Шри Ланка, Готобаја Раџапакса, е прогласен за победник на претседателските избори во земјата. Се очекува Раџапакса утре да положи свечена заклетва во древен будистички храм.
Во првата изјава по победата над кандидатот на владејачката партија Саџит Премадаса, кој е министер за домување во актуелната влада, Раџапакса порача дека ќе биде водач на сите граѓани во земјата, сите 22 милиони, без разлика на нивниот етнички и верски идентитет.
As we usher in a new journey for Sri Lanka, we must remember that all Sri Lankans are part of this journey. Let us rejoice peacefully, with dignity and discipline in the same manner in which we campaigned. pic.twitter.com/tXqLrdH3Qv
— Gotabaya Rajapaksa (@GotabayaR) November 17, 2019
Централната изборна комисија соопшти дека тој освоил 52,25 отсто од гласовите наспроти неговиот политички ривал, кој доби 41,99 отсто.
Раџапакса (70) е помлад брат на поранешниот претседател Махинда Раџипакса, кој беше на власт од 2005 до 2015 година.
