Поранешниот претседател на Перу Алберто Фуџимори и тројца министри за здравство од неговата администрација обвинети се за присилна стерилизација на 2.116 луѓе, соопшти здружение за правата на жените.
Фуџимори, кој издржува 25-годишна затворска казна, е обвинет дека во периодот од 1996 до 2000 година, биле стерилизирани 272.028 жени и 22.004 мажи, од кои во 2.166 случаи постапката е извршена без согласност на оштетените или без да им бидат дадени соодветни информации. Станува збор за припадници на сиромашната заедница Кечуа.
Истрагата, која се води веќе 14 години, е утврден и најмалку еден случај во постапката за стерилизација завршила со смрт и неколку случаи кои резултирале со штетни последици по здравјето.
Покрај Фуџимори, обвинети се и поранешните министри Марино Коста, Едуардо Јонг и Алехандро Агуинага.
