Поранешниот норвешки политичар Свеин Лудвигсен е обвинет за сексуална злоупотреба на три лица кои барале азил, кое траело со години, објави Министерството за правда.
-Државната адвокатска канцеларија го испитува поранешниот политичар за сексуална злоупотреба на три лица, изјави државниот правобранител Тор Борж Нордмо на прес-конференција.
Свеин Лудвигсен (72) е обвинет за злоупотреба на функцијата полициски управител, кој ја искористил тешката положба на тројцата баратели на азил, помлади од него, од кои едниот е со благо ментално нарушување и сексуално ги искористил.
Злоупотребата, како што рекле обвинителите, се случувала во неговиот дом, во хотели и дури во префектурата Тромс, во периодот меѓу 2011 и 2017 година.
Пред да стане полициски управител, поранешниот конзервативец бил на високи државно-политички позиции, меѓу кои и министер за риболов меѓу 2001 и 2005 година.
Лудвигсен ги негира ваквите обвиненија.
