Италијанските трговски ланци процениле дека ќе морa да отпуштат десетици илјади вработени ако владата не се откаже од предлогот за забрана за работа во недела. Извршниот директор на трговскиот ланец Конад, Франческо Пулесе изјави дека забраната ќе резултира со 40 до 50 илјади откази.
Истовремено ќе се зајакне купувањето на интернет, што пак негативно ќе се одрази и на големите и на малите трговци.
Проценките се дека во неделите пазаруваат околу 19,5 милиони Италијанци. Сегашното законско решение им дозволува на трговците сами да одредат колку часа ќе работат во недела.
Со измените кои се планираат да се воведат до крајот на годината, ќе се ограничи работното време во големите трговски центри.
