Германската авио-компанија „Луфтханза“ во следните неколку недели ќе ги намали за една четвртина своите летови на кратки и средни дестинации. Во соопштение на компанијата се наведува дека таквата одлука доаѓа поради епидемијата од корона вирус.
– Поради актуелната ситуација, предизвикана од зголеменото ширење на корона вирусот „Луфтханза Груп“ одлучи да преземе серија дополнителни мерки… Во следните неколку недели бројот на кратки и средни летови ќе се намали – се наведува во соопштението
Компанијата забележува дека траењето на овој период ќе зависи од натамошниот развој на ситуацијата со корона вирусот.
Освен тоа, ќе се намали и бројот на долги летови. Авио-компанијата соопшти дека бројот на авиони што привремено нема да летаат, а се наменети за долги летови, ќе се зголеми од 13 на 23.
Како една од мерките против корона вирусот, авио-компанијата ја разгледува и можноста за намалување на работното време на вработените.
