Германски авион со 250 патници принудно слетал на Крит поради дојава за поставена бомба, објави Дојче Веле.
Патничкиот авион со 250 патници и членови на екипажот морал принудно да слета на грчкиот остров Крит поради дојава на бомба. Авионот летал од Египет кон Германија и поголемиот број патници се враќале од годишен одмор.
Aвионот летал од Хургада кон Диселдорф, а по два часа лет морал принудно да слета на аеродромот во Ханиа.
Според грчката државна телевизија, авионот безбедно слетал на воениот аеродром Соуда, а сите патници и членови на екипажот се безбедно евакуирани.
Во тек е истрагата на авионот за да се утврди дали дојавата за поставена бомба е вистинска.
