Околу 200.000 луѓе, вклучувајќи ги полските лидери и националистички групи, маршираа низ Варшава во неделата за да ја одбележат 100-годишнината од независноста на Полска.
Ваквиот марш веќе некое време е тема на дебата за тоа дали владејачката партија ги поттикнува фашистичките групи и антисемитските движења. Владините функционери се движеа на одредена оддалеченост од главниот марш и националистите.
#MarszNiepodleglosci #SwietoNiepodleglosci
Warsaw 11.11.2018
Hundreds of thousands of Polish patriots celebrating the National Independence Day in Poland. In the capital many fans from all over the country, on this day the club colors do not matter.
Video @emdolatowski pic.twitter.com/OStKUOVi8r— HooligansTV (@HooligansTV1) November 11, 2018
На неколку стотици метри зад нив, учесниците во маршот носеа банери со напис „Бог, чест, татковина“, а некои извикуваа: „Гордост, гордост, национална гордост“ и „Полска треба да биде на народот, а не црвена или во боите на виножитото“, алудирајќи на знамето на Советскиот сојуз и знамето на геј заедницата.
Пред почетокот на маршот, претседателот на Полска, кој е поддржувач на владејачката партија, им се заблагодари на оние кои го вееја знамето на земјата, велејќи дека нивните предци ги дале своите животи за тоа знаме.
Како што пренесува АП, патриотите извикувале „САД – империја на злото“, „Смрт на непријатеиите на татковината“, „Полска – бела и католичка“, додека членовите на патриотската „Сеполске младина“ го запалија знамето на Европската унија.
