Турција почна воена офанзива против силите на сирискиот претседател Башар ал-Асад во северозападната сириска пртовинција Идлиб.
Офанзивата следува како одговор на смртоносниот напад на сириските сили врз турските позиции во ова провинција, во кој загинаа 33 турски војници.
– Операцијата „Пролетен штит“, почната по ужасниот напад од 27 февруари во Идлиб, се спроведува успешно. До денеска се уништени еден дрон и осум хеликоптери, 103 тенка, 72 хаубици, три системи за ПВО и убиени се 2.212 војници на режимот на Асад – изјави турскиот министер за одбрана Хулуси Акар.
Тој нагласи дека целта на офанзивата „не е судир со Русија“.
– Нашата задача е да ги спречиме злосторствата кои ги прави режимот на Асад, да ги елиминираме радикалните елементи и да го спречиме бранот миграција – нагласи Акар.
