Свет 15. March 2019. / 11:09

По нападот врз Тел Авив израелската војска погоди сто цели на Хамас

По нападот врз Тел Авив израелската војска погоди сто цели на Хамас

Израелската армија денеска соопшти дека во текот на ноќта погодила сто цели на движењето Хамас во Појасот Газа, како одговор на ракетниот напад врз Тел Авив, кој ретко се наоѓа на удар на палестинското екстремистичко движење.

Во соопштението се наведува дека војската гаѓала деловен комплекс во градот Газа, подземни инсталации кои му служат на Хамас како главен погон за производство на ракети, како и центар што движењето го користи за програмата за дронови.

Израелските воздушни напади следеа по ракетниот напад врз Тел Авив, а Хамас и помалата екстремистичка организација Исламски џихад негираа вмешаност.

Новите судири се случија во момент кога Египет презема напори за посредување во проширувањето на договорот за прекин на огнот меѓу двата противника, кои последен пат војуваа во 2014 година.