Американскиот потпретседател Мајк Пенс, денеска нагласи дека нема да интервенира за да се запре сертифицирањето на изборната победа во Конгресот на демократот Џо Бајден.
-Уставот ме ограничува да потврдам еднострано овластување, да утврдам кои изборни гласови треба да бидат преброени, а кои не, наведе Пенс во изјавата објавена кога заедничката седница на Конгресот почна да ги заверува гласовите на Изборниот колеџ од изборите за претседател на САД на 3 ноември.
Изјавата беше објавена во моментот кога Трамп го повика Пенс од митингот во Вашингтон да одбие да ги потврди резултатите од Изборниот колеџ.
