Папата Франциско денеска апелираше да се преземе конкретна и итна акција во борбата против проблемот со пластиката која ги загадува светските мориња и окени и изрази жалење што во моментов нема ефективни закони за заштита на светските води.
Тој, како еден од приоритетите за зачувување на животната средина, испрати порака насочена да ги поттикне христијаните и сите останати луѓе да се заложат за спасување на она што тој го нарече импресивен и фантастичен дар од Бога, мислејќи притоа на големите води и сѐ што живее во нив.
Папата Франциско во 2015 година објави документ во кој предупреди на опасноста од глобалното затоплување, за кое наведува дека е глобален проблем предизвикан од луѓето.
