Поглаварот на Римокатоличката црква, папата Франциск, во саботата вечер го организираше најголемиот собир во ватиканските градини од укинувањето на забраната за движење, а тој беше придружуван од лекар, медицинска сестра, болнички свештеник, фармацевт, новинар и претставник на граѓанска заштита.
Меѓу повеќе од 100 папски гости имало пациент излечен од корона вирус, лице чиј роднина починал како резултат на инфекцијата и родители на бебе родено за време на вонредна состојба.
Од почетокот на март, Ватикан ги следеше мерките воведени од Италија, воведе забрана за движење и ги забрани сите јавни собири. Многу од присутните на денешната молитва носеа заштитни маски, но не и папата Франциск.
