Денеска папата Франциск ја одбележа 75-годишнината од нуклеарниот напад врз Хирошима, повикувајќи на мир и повторувајќи дека употребата и поседувањето атомско оружје е неморално.
Франциск испрати порака до организаторите на прославата на годишнината, потсетувајќи дека за време на неговата посета на Јапонија во 2019 година, тој се молеше во споменикот на мирот во Хирошима и се сретна со преживеаните, кои во таа земја се нарекуваат „хибакуша“, пренесува АП.
„Никогаш не било појасно дека, за да цвета мирот, сите луѓе би требало да го положат оружјето на војната, а особено најмоќното и деструктивно: нуклеарно оружје што може да осакатува и уништи цели градови, цели држави“, рече Франциск.
Светиот Престол беше меѓу првите земји што го потпиша и ратификуваше новиот договор за забрана за нуклеарно оружје на ООН, а самиот Франциск отиде подалеку од секој папа пред него, велејќи во 2017 година дека не само употребата, туку поседувањето атомско оружје е „осудувачко“. “.
