Британската фунта денеска нагло падна бидејќи премиерката Тереза Меј остана на цврстите позиции за брегзитот, што ден претходно во Европската Унија беше оценето како нереално решение.
Фунтата која пред обраќањето на Меј падна за речиси еден отсто во однос на доларот, сега падна на 1,5 проценти бидејќи премиерката рече дека преговорите за брегзитот се во застој.
Меј предлага Велика Британија да остане на единствениот пазар на ЕУ за стоки, но не и на услуги, за да се задржат слободната трговија и отворената граница помеѓу Ирска и Северна Ирска.
ЕУ го отфрла таквиот план, наведувајќи дека Лондон не може да бира елементи на припадност на пазарот без прифаќање на сите трошоци и одговорности.
Претседателот на Европскиот совет, Доналд Туск вчера на самитот во Салзбург отворено кажа дела делови од планот на Тереза Меј едноставно нема да можат да функционираат.