Обивлните врнежи дожд и поплавите што ја зафатија Венеција преизвикаа 80 проценти од градот да биде под вода, која на места достигна висина до 160 центиметри. Прогласена е вонредна состојба, запрен е сообраќајот, а затворени се училиштата, продавниците и канцелариите. Досега животите ги загубија четири луѓе.
Плимата што го погоди градот е највисока во последните 50 години и оштети бројни спом,еници на културата во градот, меѓу кои и плоштадот и базиликата Сан Марко.
Non credo servano parole per fare capire cosa sta succedendo a #Venezia. Bastano queste immagini di #SanMarco pic.twitter.com/AqI5PL2Qq3
— Dario Franceschini (@dariofrance) November 15, 2019
Со оглед на тоа што Венеција е место под заштита на УНЕСКО, граѓаните чии домови се поплавени ќе добијат отштета и до пет илјади евра, додека компензацијата за трговците ќе изнесува и до 20 илјади евра.
Во градот живеат околу 50 илјади жители, а секоја година го посетуваат околу 20 милиони туристи.
