Генералниот секретар на Обединетите нации, Антонио Гутереш го повика американскиот претседател Доналд Трамп да не го напушта меѓународниот договор, создаден да го спречи Иран да создава нуклеарно оружје.
Во изјава за Би-Би-Си, Гутереш вели дека постои голем ризик за војна доколку договорот од 2015 година не биде сочуван.
Трамп беше силен критичар на договорот, со кој Иран се согласи да ја ограничи својата нуклеарна програма во замена за укинување на санкциите. Американскиот претседател има рок до 12 мај да одлучи дали ќе се држи до договорот.
Гутереш изјави дека иранскиот договор е важна дипломатска победа и треба да се одржува.
“Ние не треба да го укинеме ако немаме добра алтернатива”, рече тој, додавајќи: “Се соочуваме со опасни времиња”.
Пред неколку дена Израел објави тајни нуклеарни досиеја, обвинувајќи го Иран дека тајно следи нуклеарно оружје. Американскиот државен секретар Мајк Помпео изјави дека досиејата докажале дека нуклеарниот договор од времето на Обама бил изграден на лаги.
Европските сојузници Франција, Велика Британија и Германија во меѓувреме се согласија дека продолжувањето на сегашниот нуклеарен договор со Иран е најдобриот начин да се спречи развојот на нуклеарното оружје.
