Три комитети во Претставничкиот дом на САД објавија десетици пораки меѓу американските дипломати во Украина, во кои се разговара за тоа како да одговорат на барањата на американскиот претседател Доналд Трамп земјата да покрене истрага за семејството на Џо Бајден.
Ваквото масовно објавување доаѓа по скоро 10-часовен разговор со поранешниот украински претставник Курт Волкер, кој ги обезбедил содржините од пораките.
Во пораките, Волкер и двајцата други дипломати разговараат како да ги канализираат барањата на Трамп да го истражи неговиот политички ривал.
Во една од пораките, Волкер и амбасадорот Гордон Сандленд разговарале за нацрт-изјавата во која се наведува дека Владата на Украина ќе покрене истрага за претседателските избори во САД во 2016 година и компанијата во чија управа бил синот на Бајден.
