Вредноста на норвешкиот стабилизациски фонд , најголем на светот , денеска достигна неверојатни 10 000 милијарди норвешки круни (1 090 милијарди долари) , пред се поради растот на акциите на глобалниот пазар.
Официјалната веб-страница на фондот утрово објави дека вредноста на државниот пензиски фонд Глобал достигнал 10.000 милијарди круни за прв пат од основањето, што значи повеќе од 200.000 американски долари по глава на жител во земјата богата со нафта.
Познат како нафтен фонд, управуван од специјална единица на Норвешката Централна банка, Националниот фонд за стабилизација инвестира околу 70% од своите средства во капитали на глобалните пазари и околу 28% во портфолиото на обврзници. Остатокот е фокусиран на недвижен имот
“Кога беше формиран фондот, никој не помисли дека неговата вредност ќе надмине 10.000 милијарди круни. Имавме среќа што ја откривме нафтата”, рече извршниот директор на фондот, Ингве Слингштад, во изјавата потврдувајќи ја рекордната вредност на средствата во фондот.
„Враќањето на инвестициите на глобалните финансиски пазари е толку големо што може да се спореди со повторно откривање на нафтата“, рече тој.
Фондот е основан во 1996 година за да ги задржи големите приходи од продажбата на нафта во земјата за идните генерации. Оттогаш, нејзината вредност е скоро трипати поголема од годишниот бруто-домашен производ на Норвешка (БДП), далеку надминувајќи ги нејзините првични проекции.
