На имот во близина на градот Маргарет Ривер, на југозападот од Австралија, седум лица меѓу кои и четири деца се убиени, соопшти денеска полицијата.
Полицијата наведе дека пронајде тела на седум лица со прострелни рани, пренесува АП.
Полицискиот комесар на државата Западна Австралија Крис Досон изјави дека жртви се три возрасни лица и четири деца како и тоа дека на имотот се пронајдени и две парчиња огнено оружје.
The bodies of seven people, including four children, have been found on a property near Margaret River. @hansinclair9 #9News pic.twitter.com/wccu0MAkXJ
— Nine News Melbourne (@9NewsMelb) May 11, 2018
Досон рече дека полицијата нема информации кои би можеле да предизвикаат загриженост за јавната безбедност и дека полицајците стигнале на имотот веднаш по примањето на повикот.
Seven people found dead in Western Australia, police say https://t.co/dJCqboqPv6
— BBC News (World) (@BBCWorld) May 11, 2018
АП наведува дека ова би можеле да биде најлошо масовно пукање во Австралија од 1996 година кога вооружен човек уби 35 луѓе во Тасманија, поради што властите воведоа поостра контрола на продажбата на огнено оружје.
