Израелскиот премиер Бенџамин Нетанјаху го поздрави денешниот „цврст став” на американскиот претседател Доналд Трамп спрема Иран. Нетанјаху рече дека Трамп и неговиот државен секретар, Мајк Помпео, зазедоа јасен став спрема „иранската агресија”, имајќи предвид дека светските сили го толерираа режимот со години.
Нетанјаху ова го кажа на денешниот редовен состанок во неговиот кабинет, и откако американскиот претседател преку „Твитер“ му се закани на иранскиот претседател Хасан Рохани дека ќе се соочи со страшни последици поради заканите што ги упатил кон САД.
